Esta obra de teatro de monicreques é unha homenaxe ao circo, que fixo vibrar a moitas xeracións de nenos e nenas. Dende hai 40 anos, Tanxarina fai posible ese mundo de soños representando funcións de vila en vila.

Unha viaxe simbólica ao corazón de África para descubrir as súas paisaxes, cores, sabores e segredos.
Ramón Trigo relata en Labirinto a historia dun pintor que, cansado de empregar unicamente o negro e o gris nas súas obras, emprende unha viaxe cara a un territorio descoñecido. Unha vez alí, disposto a descifrar todos os seus segredos, descubrirá un mundo repleto de novos aromas, texturas e tonalidades. Pero terá que esperar ao seu regreso para darse conta tamén de que algo no seu interior cambiou.
Este álbum, inspirado nunha experiencia persoal do artista no continente africano, destaca polo emprego de imaxes impactantes, expresivas e cun forte compoñente simbólico, que expresan á perfección todos os estímulos percibidos polo autor na súa viaxe.

4º-5º-6º Educación Infantil