Este álbum ilustrado é a segunda das obras de Nono Celeiro incorporadas a Milratones, a nosa colección infantil. O protagonista é un mono distinto aos demais. Hase de enfrontar a un reto case imposible do que sae vitorioso. Bolobo é algo máis que unha historia de superación persoal. O heroe convértese en entrañable para o lector que comparte con el a emoción da súa aventura, sentimento de empatía que non lle impedirá gozar de grandes doses de ​humor. Un discurso soterrado, cargado de ironía, pero tamén de tenrura e profunda empatía, é o que fai deste álbum unha aposta diferente. A excepcional calidade plástica da obra reforza os diversos niveis de lectura e convida o lector a unha reflexión, optimista e intelixente, a favor do máis débil.

1º-2º Primaria